”დიდი ოდენობით თაღლითობისა და თაღლითობაში დახმარების, ასევე ყალბი ოფიციალური დოკუმენტაციის დამზადებისა და გამოყენების ფაქტებზე ბრალდება წარედგინათ შპს ”ელმარის” წარმომადგენელს, შპს ”თელიკა უნივერსალის” დირექტორს და შპს ”ექსპერტ-სერვისის” ექსპერტს. გამოძიებით დადგენილია, რომ ჩოხატაური მუნიციპალიტეტის სოფელ ხიდისთავში ფეხბურთის მოედნის სარეაბილიტაციო სამუშაოების შესრულებისას შპს ”თელიკა უნივერსალის” დირექტორი ქვეკონტრაქტორი კომპანია ”ელმარის” მინდობილი პირის და ”ექსპერტ-სერვისის” ექსპერტის დახმარებით თაღლითურად დაეუფლა ჩოხატაურის მერიის კუთვნილ 19 090 ლარს. ბრალი დამტკიცების შემთხვევაში 6-დან 9 წლამდე თავისუფლების აღკვეთას ითვალისწინებს.” – სახელმწიფო უსაფრთხოების სამსახური. წყარო: GURIANEWS